Poetry in motionReflections

Hi LO TI TLHAVA HI TLHARI

Hi LO TI TLHAVA HI TLHARI

A ku lo coweee, hi ri karhi hi tiendlela swa vusiwana bya hina
Hi loko va ku gaa, van’watipolitiki va tamele switshembiso swo tata saka
A ku ri nguva ya nhlawulo, a swo boha va hi kandziya
Va nghena emakaya ya hina yo bunya ritshuri va nga ti chavi, va nga ti nyumi
Va ri karhi va bokoloka va hi tshembisa swilo leswi hi milomo a swi ta va swi humelerile
Va ri karhi va ma vona mapatu ya hina leswaku i mabudula
Mabudula lama mimpfundla na tin’hwari swi rhangisanaka ndlela na vanhu
Tipompi ta hina ti ri karhi ti thona moya hikuva mati a ku ri hava
Va nghena va hi tshembisa tilo na misava
Na hina hi ku rhandza swilo, hi phokotela hi ya vhota.

Namuntlha hi lavaya na mikhava, makhwiri ya vona ya lo ndanguu!
Va le ku dyeleni va rivale va “Our people” lava va nga va tlhandlukisela eswitulwini leswo vempfama
Vana va vona va nghena eswikolweni leswo durha, va hina vana va huhwa hi ritshuri
Va famba hi mimovha ya mavayivayi va rivele leswaku tolo va te yini
A va ha khomeki, loko hi va yangula va ri hi nga va beli huwa
Va dya voxe, va sula milomo, va hi pfalela ehandle
Mati hi ma nwa hi mali, mintirho ku hava
Kambe hi ku na hina a hi twi, hi ta tlhela hi pfula tiheke loko va ndzawuta eka xirimo lexi taka
Va ha to hi hundzuluxela, ma swi twa?

Hi Malphia Honwane.

 

 

Flair
the authorFlair

Leave a Reply