FlairPoetry in motion

NKUMBA WA VUSIWANA

NKUMBA WA VUSIWANA

U ti kuma u wu funengele u nga swi lavi
Ku funengela wona a swi hluphi
Kambe ku wu funungula i ntirho lowukulu
U kula unga tivi kuri i wa wena

U wu vona loko u sungula ku xalamuka
Van’wani va wu phengulela le kule le
Kambe wena swa tsandza ku wu phengula
I ndzhaka u nga siyeriwa yona

Ku kota swona i ku phendla matsalwa
Lava nga phendla a va wu tivi nkumba lowu
Vo twa hi ta ku titimela ka wona
Ku tika ka wona a na ha vuli

Gobagoba na wona u ringeta ku wu phengula
Xikhongelo xi ri xoxe xi nge wu bakanyi
Lowu nkumba wu lava munhu a xalamuka
A wu phengulela le kule wu nga nkumba wa vusiwana.

Mutsari i Tengani Wa Xidumu

Flair
the authorFlair

Leave a Reply