Flair Time OutPoetry in motionSwiphato swa Xitsonga

Nyiko ya vutlhokovetseri

Mbhurisano na Hlayisani Loneah Shiburi N'wa Jika The Poet

239

 

Flair Concepts Magazine :  Hi hlamuseli leswaku hi wena mani na swona u kulele kwihi. 

Vito ndzi Hlayisani Loneah Shiburi N’wa Jika The poet, ndzi na malembe ya 30, Ndzi velekiwe eka Madobi ndzi tlhela ndzi dyondza kona primary na high school.

FCM: Xana u sungule rini swa vutlhokovetseri? 

Ndzi sungule ku tsala switlhokovetselo ndza ha ri eHigh school, tani hikuva ndzi kule ndzi rhandza ku hlaya tibuku ta mintsheketo na ta swiphato. Ku fike laha ndzi nga va na ku navela ka leswaku onge siku rinwana na mina ndzi nga tsala buku.

FCM: Hi swihi swiphato swin’wana leswi u swi tsaleke? 

Ku fikela sweswi ndzi tsale swiphato swa 21 leswi katsaka: Corona virus, Mhani, Mangava ya vutomi byanga, Vavasati, Rimbewu Ranga na swin’wana.

FCM:  Hi hlamuseli hi gondzo ra wena  leri u ri fambeke eka swa vutlhokovetseri. 

Eka gondzo ra mina ra ku tsala ndzi tsala ndzi karhi ndzi nghenelela na ti competitions ta poetry. Ndzi ve ndzi teka xidlhodlho eka Ndebele Student Association season 1 Virtual Poetry, laha ndzi nga endla matimu hikuva loko competition yi sungula, a swi nga tikombi leswaku ndzi tava muhluri hikuva a ndzi ri endzhaku swinene,top 30 (no. 17), top 16 (no. 16), top 10 (no.9), top 5 (no. 1), top 3 (no. 1) kambe hikwalaho ka matimba ya Xikwembu na support kusuka eka maxaka na vanghana ndzi ve ndzi va No. 1.

FCM: Xana u pfuniwa hi mani eka vutsari bya wena? 

Eka timhaka ta ku tsala, ndzi tsala ndzi ri ndzexe, kambe tatana Freddy Rikhotso na Musumbhunuku Rivombo hi vona va ndzi pfunaka ku hlantswa ririmi (edit), swo tala ndzo tiendlela.

FCM: Hi wahi marito ya wena eka vantshwa lava nga na ku tsakela ku nghena eka swa vutsari? 

Ndzi taku eka vantshwa va tiko rerhu, mi nga ti tsan’wi, yimani mi endla swin’wana hi mavoko na miehleketo ya n’wina.

Mina ndzi tiveke ngopfu endzhaku ka xiphato lexi nge Corona Virus, Vamakwerhu, malembe a hi nchumu swi tele leswi mi nga swi endlaka, mi nga ti chavi, mi nga endli swilo mi ku vanhu va ta ku yini.

Ndzi lava leswaku siku rin’wana ku hlayiwa tibuku ta mina eswikolweni, ndzi lava leswaku vanhu hinkwavo lava yingiselaka switlhokovetselo swa mina va kuma dyondzo eka swona. Va nga hlayi swi helela moyeni. Nyiko leyi ndzi nge yi cukumeti, ndzi ta fa na yona.

... With Flair Concepts Magazine…

Flair
the authorFlair

Leave a Reply