Xihlovo xi omile

Va tolo va te ri xihlovo a xi dungiwi
Xi tima torha ra lava ku tshama va ri endleleni
Maphisa loko ya karhale ku hlota ya tima torha eka xona
Xana i mani yena wa ku xi dunga?
Ku xi dunga hi nenge a pfindlusa mati?

Namuntlha xi omile bya ribye ra ntshava
Leswaku a ku ri na mati a swi tikombi!
Rixaka ri lahlekeriwile hi ku nyenya ndhavuko
Namuntlha mati ku hava etikweni
Swi tsandza na vativi va swa vurimi.

Ntumbuluko wu tekile swa wona
Swifuwo a swi nga omeriwi
Kambe namutlha swi hanya hikokwalaho ka munhu
Va vurisile vaku:  “tolo anga ha vuyi”
Loko a famba u fambile.

Loko mpfula yi na a yi boxa minthevele
Kambe namutlha yona yixa
Mithevele ku boxeka dho!
Swi tsandza na lebyo tlhariha
Na byona xivangelo a byi xitivi

Tumbuluku a wu chacheriwi marhonge
Ku tlula xinawana xin’we wa lan’wa
Wu lan’wa bya tuva loko u khoma mandza ya rona
Namuntlha hi salela ku hlambanyisa
Xihlovo xi omile.